सम्पत्ति फिर्ता नभए संविधान बन्दैनः देउवा
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
सिन्धुली, चैत्र ६ - कांग्रेस नेता तथा पूर्व प्रधानमन्त्री शेरबहादुर देउवाले माओवादीले कव्जा गरेको सम्पत्ति फिर्ता नभएसम्म नयाँ संविधान नवन्ने घोषणा गरेका छन् । कव्जा गरेको सम्पत्ति फिर्ता, सेना समायोजन, वाईसीएलको अर्धसैनिक संरचना भंग नभएसम्म नयाँ संविधान जारी नहुने सिन्धुलीमा शुक्रबार आयोजित कार्यक्रममा नेता देउवाले ठोकुवा गरेका छन् ।
कांग्रेसको अगुवा कार्यकर्ता भेलामा देउवाले शान्ति स्थपनाका लागि माओवादी जिम्मेवार नभएको आरोप लगाए । माओवादी प्रतिबद्ध भएर बृहत शान्ति सम्झौतामा भएको सहमति पालना गरि चैत्र भित्रमा सेना समायोजन, कव्जा सम्पति फिर्ता र वाईसीएल बिघटन गरे बैसाखभर रातदिन काम गरेर तोकिएकै समयमा संविधान जारी गर्न सकिने देउवाले विश्वास व्यक्त गरे ।
तोकिएकै मितिमा संविधान जारी नभए त्यसको जिम्मेवारी माओवादीले लिनुपर्ने भन्दै नेता देउवाले पहिला शान्ति कायम नभइ जारी हुने संविधानको कुनै अर्थ नरहने बताए । डर त्रास मुक्त समाज निर्माण गर्न कांग्रेस लागि परेको देउवाको भनाइ थियो । कांग्रेसको आगामी माहाधिवेशनमा सभापतिमा लड्ने संकेत गर्दै देउवाले पार्टी भित्र कसैलाई काखा र कसैलाई पाखा नगरी सबैलाई बराबर सम्मान र न्याय गर्ने वचनबद्धता व्यक्त गरे ।
कार्यक्रममा कांग्रेस महामन्त्री बिमलेन्द्र निधीले हतियारधारीको बर्चश्व रहेसम्म जारी हुने जस्तोसुकै संविधान पनि कागजको खोस्टो हुने भन्दै शान्ति सम्झौता र अन्तरिम संविधानको पालन गर्न जन दबाब दिएर निसस्त्रीकरण गर्नुपर्ने धारणा राखेका थिए ।
प्रकाशित मिति: २०६६ चैत्र ६ १२:००
तपाईंको प्रतिकृया