काठमाडौं, चैत्र ३ - बर्दिया घटनाबारे छलफलमा रक्षामन्त्री विद्या भण्डारी र प्रधानसेनापति छत्रमानसिंह गुरुङ उपस्थित नभएकाले संसदको महिला बालबालिका समितिको मंगलबारको बैठक स्थगित भएको छ । समितिले छलफलका लागि बोलाएका उनीहरू दुवै उपस्थित नभएपछि समितिले दुःख व्यक्त गर्दै बुधबार पुनः बैठक बस्ने निर्णय गरेको छ । उक्त घटनाबारे छानबिन भइरहेकाले आफू बैठकमा उपस्थित हुन नसक्ने प्रधानसेनापति गुरुङले पत्र पठाएर जानकारी गराएका थिए । रक्षामन्त्री बिनासूचना उपस्थित नभएकी हुन् ।

प्रकाशित मिति: २०६६ चैत्र ३ ०९:०७