जनकपुर, चैत्र ३ - सञ्चार उद्यमी अरुणकुमार सिंघानियालाई गोली हान्ने सूटरको पहिचान भएको प्रहरीले दाबी गरेको छ । सूटरको नाम ठेगाना सार्वजनिक नगरिए पनि ऊ धनुषाकै भएको श्रोतको दाबी छ ।

'सूटरलाई पक्राउ गर्न मुलुकभरीका प्रहरीसँग सहयोग मांगिएको छ,' प्रहरी उपरीक्षक श्याम खड्काले भने, 'सूटरको तस्बिरसहितको जानकारी पनि मुलुकभरीकै प्रहरीलाई दिइएको छ ।' सूटर खुला सिमानाको उपयोग गर्दै भारत छिर्न सक्ने सम्भावना रहेकाले प्रहरी नायव उपरीक्षक रुपकुमार न्यौपानेलाई भारत पठाइएको खड्काले जानकारी दिए । डिएसपी न्यौपाने जिल्लास्तरमा गठित हत्या छानबिन समितिका संयोजक पनि हुन् ।

फागुन १७ गते जनकपुरको अति व्यस्त शिवचौकमा वेलुका ६ वजे सञ्चार उद्यमी तथा व्यवसायी सिंघानियालाई अज्ञात हतियारधारीले गोली हानेर हत्या गरेको थियो ।

प्रकाशित मिति: २०६६ चैत्र ३ ०६:५४