दीपकलाई सरकारले दस लाख रुपैयाँसहित सम्मान गर्ने
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
काठमाडौं, फाल्गुन १९ - कीर्तिमान पदकधारी तेक्वान्दो खेलाडी दीपक विष्टलाई नेपाली खेल क्षेत्रमा पुर्याएको योगदान वापत सरकारले १० लाख रुपैंया प्रदान गर्ने भएको छ ।
मन्त्रिपरिषदको बुधबार बसेको वैठकले यस्तो निर्णय गरेको हो । मन्त्रिपरिषदले दीपकलाई नगद पुरस्कारको साथै ढाकामा सम्पन्न एघारौं दक्षिण एसियाली खेलकुद(साग) को वेला घाइते भएका खेलाडीको सवै उपचार खर्च वेहोर्ने निर्णय गरेको छ ।
नेपालका सर्वाधिक सफल खेलाडी दीपकले सागमा लगातार चार स्वर्ण जित्न सफल भएका छन् । ओलम्पिकमा छनोट हुन सफल दीपकले एसियाली खेलकुदमा पनि दुई कास्य हात पारेका छन् ।
सरकारको निर्णयसँगै दीपकले सम्मान स्वरुप नगद हात पार्ने छन् भने उनको सवै उपचार खर्च सरकारले बेर्होने छ ।
त्यस्तै एघारौं सागको उदघाटन दिन होटलको लिफ्ट चुडिदा घाइते भएका जुडोका सात र भारोत्तोलनका दुई खेलाडीलाई पनि सरकारले उपचार गरिदिने छ ।
घाइते खेलाडीको उपचारको लागि मन्त्रालयले प्रस्ताव गर्ने र त्यस अनुरुप हुने जनाइएको छ ।
प्रकाशित मिति: २०६६ फाल्गुन १९ ०८:३४
तपाईंको प्रतिकृया