Nepal Rastriya Saptahik

सेवा नै जिन्दगी

चिता खरानी कात्रो भवितव्य जिन्दगीको

श्मशान घाट नै हो गन्तव्य जिन्दगीको ।



मर्नु छ एकदिन त बाँच्तैन कोही जगत्मा

माया र स्नेह नै हो वैभव्य जिन्दगीको ।



आफू र आफ्नै लागि सुखानन्द खोजी हिँड्नु

त्यति मात्र सायद होइन कर्तव्य जिन्दगीको ।



सबै हाँसी-खुसी बाँचून् सम्पूर्ण देशवासी

होइन परिवारको सानो घेरा मन्तव्य जिन्दगीको ।



कर्मप्रधान जगत्मा केही छ गर्नु तिमीले

दीनदुःखीको सेवा नै हो दातव्य जिन्दगीको ।