गन्तव्य : रमणीय रोयल ट्रेक

रोयल ट्रेक पदयात्रा एकैसाथ तालतलैया र हिमाली शंृखलाको दृश्यावलोकनका लागि प्रसिद्ध छ। सन् १९८३ मा बेलायती युवराज चाल्र्सले हिँडेर शुभारम्भ गरेको यस रुटले पोखराको विजयपुरबाट सुरु भएर कास्कीसँग जोडिएका अरू जिल्ला छुँदै फन्को मार्छ।

यही रुटबाट आठ हजार मिटरभन्दा माथिका तीनवटा हिमाल हाँसेको देख्न सकिन्छ। अन्नपूर्ण, धौलागिरि र मनास्लु हिमाल मात्रै होइन, बौद्ध, गणेश, लाङटाङ हिमशृंखला देख्दा जो कोही पनि मख्खै पर्छन्। यही रुटमा पनर्ेे स्याक्लुङकोटमा हालै निर्मित भ्युटावरबाट २१ हिमाल एकैपटक एकै स्थानबाट हेर्न पाउँदा त झन् कसको मन नलोभिएला र ! हिमाल हेर्दाहेर्दै कास्कीका बेगनास ताल, रूपाताललगायतका सातवटा तालको दृश्यले यात्रालाई झनै अविस्मरणीय पार्न सक्छ।

विजयपुरबाट कालिकाकोट, हंसपुर, रूपाकोट, तालवेसी, पचभैया, सुन्दरीडाँडा हुँदै चार दिनमा बेगनास आएर यो पदयात्रा टुंगिन्छ। छोटो समयावधिका लागि ट्रेकिङ्मा रमाउन चाहनेहरूका लागि उपयुक्त हुन्छ, रोयल ट्रेक। रोयल ट्रेकको अर्को नाम स्काई लाइन पनि हो।

रुटको बीचबीचमा होमस्टे र होटलको सुविधा छ। तर, टेन्ट बोकेर यात्रा गर्नेहरू पनि त्यत्तिकै भेटिन्छन् रोयल रुटमा। यस रुटले तनहुँ र लमजुङलाई पनि छुन्छ। यी जिल्लाको पहाडी जनजीवन, विभिन्न जनजातिका भाषा र संस्कृतिबारे जान्न, बुझ्न पनि मौका जुराउँछ, यो पदयात्राले।

सांस्कृतिक र प्राकृतिक रूपले सम्पन्न रोयल रुट घुम्नका लागि राजधानीबाट हवाई र सडक मार्गबाट पोखरासम्म पुग्न सकिन्छ।

- वसन्ती बाँस्तोला/पोखरा





प्रविधि : निकोनको नयाा क्यामेरा

डिजिटल प्रविधिको पछिल्लो उत्पादनस्वरूप निकोन डीएसएलआर डी-८०० मोडलको क्यामरा बजारमा उपलब्ध छ। यसले ५१ प्वाइन्टको अटोफोकसले भ्यु फाइन्डरमा देखिने सबै वस्तुको फोटो उतार्न सक्छ। अन्य मोडलका क्यामरामा भ्यु फाइन्डरमा देखिएका सबै चीज फोटोमा कैद गर्न सकिँदैन थियो। त्यसैले पनि बजारमा आएको केही सातामै यो क्यामरा लोकपि्रय बन्दैछ।

३६.३ मेगापिक्सलको यस क्यामरामा १०८० पिक्सलको एचडी भिडियो खिच्ने सुविधा छ। निकोनका अन्य क्यामराको सटरस्पिडबारे धेरै गुनासो हुन्थ्यो। डी-८०० मोडलले अरू उत्पादनपछि आएका गुनासालाई सम्बोधन गरिएकोे कम्पनीको दाबी छ। यस क्यामराले खेलकुदका गतिविधिसमेत राम्ररी खिच्न सक्छ। यसमा दुई प्रकारका मेमोरी कार्डको स्लट र यूएसबी पार्ट छन्। यसको मूल्य करिब २ लाख ५० हजार रुपियाँ पर्छ।





पहिरन: टफ्स शैलीको नेट स्विटर

यतिबेला बिहानको जाडोमा लगाएको बाक्लो कपडा दिउँसो गर्मी बढ्दै जाँदा कहाँ फुकालेर फालौँ भन्नेजस्तो हुन्छ। दिउँसो घाममा निस्किँदा लगाएको लुगाले बेलुकाको चिसो धान्दैन। हो, गर्मी र जाडोको यो दोसाँधे मौसमका लागि भर्खरै बजारमा आएको नेट स्विटर उपयुक्त हुनसक्छ। यो स्विटरले घाममा लगाएर हिँड्दा पोल्दैन भने चिसोमा पनि न्यानो बनाउँछ।

थाइल्यान्डमा बनेको टफ्स शैलीको यो स्विटर फेसनेबल पनि छ। १ हजार ५ सय ९० रुपियाँमा पाइने टफ्स शैलीको नेट स्विटर काठमाडौँको सिभिल मलस्थित ब्याकस्टेज पसलमा पाइन्छ। जेगिङ्स र जिन्ससँग पनि लगाउन सकिने यस स्विटरले टफ्सको लुक्ससमेत दिन्छ। गर्मीमा हाफ पाइन्टसँग लगाउँदा झनै आकर्षक देखाउँछ, यसले।







समीक्षा: कमजोर पटकथाको कडी आईएम सरी

"नेपालमा जन्मेर पशुपतिनाथ गइएन र चलचित्र आईएम सरी हेरिएन भने जीवन अपूरो नै रहन्छ।" आफूले निर्देशन गरेको पहिलो चलचित्रबारे दिनेश राउतले यस्तो टिप्पणी गरेका थिए। तर, चलचित्रले भने निर्देशकको त्यस्तो दाबीलाई हावा ख्वाइदिएको छ।

चलचित्रकी नायिका केकी अधिकारी धनाढ्य व्यापारीकी छोरीको भूमिकामा 'जम्न' सकेकी छैनन्। नायक आर्यन सिग्देलको भूमिका र अभिनय स्वाभाविक लाग्दैन। आईएम सरीमा प्रमुख पात्रले खुलेर अभिनय गर्न नसक्नु नै चलचित्रको सबैभन्दा खड्केको पक्ष हो।

मेरो एउटा साथी छ नामक चलचित्रमा जस्तै आईएम सरीमा पनि आर्यनको भूमिका उच्च खानदानी पात्रका रूपमा चित्रण गर्न खोजिएको छ। त्यसैले दर्शकले उनको भूमिका र चरित्र दोहोरिएको ठान्न सक्छन्। केकी र आर्यनको सम्बन्ध लामो 'फ्ल्यास ब्याक'ले भरिएको छ, चलचित्र आईएम सरी। चललचित्रको पूर्वार्द्धमा रहेको केही 'सस्पेन्स' शैलीलाई घटनाचक्रसँग निरन्तर समन्वय गर्न सकेको भए चलचित्र राम्रो बन्न सक्थ्यो। तर, विशंृखलित घटनाक्रम र पात्रहरूको अस्वाभाविक प्रस्तुतिले चलचित्रले कथ्य गति कायम गर्न सकेको छैन।

यस चलचित्रका राम्रा पक्ष भनेका गीत र छायांकन हुन्। डेढ करोड रुपियाँ लगानी गरिएको यस चलचित्रमा अभिनय, पटकथा र निर्देशनलाई भन्दा बढी छायांकनलाई जोड दिइएको सहज अनुमान गर्न सकिन्छ। त्यत्तिकै परिश्रम पटकथामा पनि गरेको भए सरदर नेपाली चलचित्रभन्दा राम्रो हुने थियो।





प्रसंग: फुटबलरदेखि सेफसम्म

कुनैबेलाका नेपाली फुटबलर रामहरि थापा, ४१ -तल दायाँ), ले दक्षिण अपि|mकामा बेग्लै पहिचान बनाएका छन्। त्यहाँ कुशल सेफका रूपमा मौलाउँदै गरेको उनको छविप्रति दक्षिण अपि|mकी मिडियाले समेत चासो देखाउन थालेका छन्। जोहानेसवर्गको फोर्ड्सवर्गस्थित नर्थ इन्डियन कफी हाउसका सेफ थापाबारे त्यहाँको चर्चित साप्ताहिक द टाइम्सले २९ माघको संस्करणमा 'करी पुलिस आर प्याकिङ् हिट' शीर्षक दिएर एउटा लेख नै प्रकाशित गरेको छ।

थापाले काम गर्ने रेस्टुराँ विशेष गरी स्वादिष्ट र ताजा भारतीय परिकारका लागि लोकपि्रय छ। "हाम्रो रेस्टुराँमा आउने ग्राहकले धैर्य गर्नुपर्छ, अर्डरपछि मात्र खानेकुरा तयार गर्छौं," थापालाई उद्धृत गर्दै पत्रिकाले लेखेको छ । जोहानेसगवर्गबाट थापाले टेलिफोनमा भने, "ग्राहकका रूपमा खान आएका थिए, खाना खाइसकेपछि वेटरलाई बोलाएर हाम्रो रेस्टुराँ र यहाँको खानाका बारेमा सोधेपछि बल्ल उनीहरू पत्रकार हुन् भन्ने थाहा भयो।" थापा कार्यरत रेस्टुराँ गएको मंसिरदेखि सञ्चालनमा आएको हो। थापा रोजगारका सिलसिलामा सात वर्षअघि दक्षिण अपि|mका पुगेका थिए।





परिकार: तन्दुरी साँदेको

साँधेको परिकार सम्झनेबित्तिकै जिब्रो रसाइहाल्छ। पीरो र अमिलोले स्वादको धित मार्नेहरूका बीच बानेश्वरस्थित जुम क्याफे एन्ड बारमा पाइने साँधेको चिकेन तन्दुरी लोकपि्रय मानिन्छ। पीरो, अमिलो भईकन पनि निकै फरक स्वादको परिकार हो, यो। स्न्याक्सका रूपमा खाइने यो परिकार खासगरी मदिराप्रेमीका लागि बढी उत्तम मानिन्छ। यो परिकारलाई तीन सय रुपियाँ पर्छ।







सन्दर्भ: चित्रमा नारी मनोदशा

लजालु, सहनशील र शान्त। चित्रकार ध्रुव प्रजापतिले कोरेका चित्र हेर्नुभयो भने नारीलाई चिनाउने यस्तै उपमाको झल्को पाइन्छ। उनले नारीका शास्त्रीय रूपदेखि आधुनिक रूपसम्म आफ्ना रचनामा समेट्ने प्रयास गरेका छन्।

ठमेलस्थित मिथिला आर्टमा राखिएका प्रजापतिका चित्रमध्ये अर्धनग्न आकृतिमा औँला टोकिरहेकी नारीको चित्रले महिलाको जति निर्दोषपन झल्काउँछ, बाँदरको अनुहारभित्र नग्न युवती हातमा जुत्ता बोकेर हिँडिरहेको दृश्यले आधुनिक नारीको त्यत्तिकै विकृत रूपलाई छर्लंग पार्छ। उनका 'ट्याटु', 'ल्यापटप', 'गोठाल्नी युवती' शीर्षकका चित्रले नारीको जीवनशैलीमा प्रविधिले पारेको प्रभावलाई देखाएका छन्।

नारीको बाह्य पाटोलाई मात्रै होइन, प्रजापतिले अन्तरमनोदशालाई समेत चित्रमा उतार्ने प्रयास गरेका छन्। उनका अधिकांश चित्रले न्युड शैली पछ्याएका छन् ।



संयोजन : मनबहादुर बस्नेत

तपाईंको प्रतिकृया

  कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
क्याप्चा [ अर्को क्याप्चा प्राप्त गर्नुहोस् ]
 

  • Nepal Weekly - Issue No. 591

    अंक: ५९१ | २०७० चैत्र ३०

  • Nepal Weekly - Issue No. 590

    अंक: ५९० | २०७० चैत्र २३

  • Nepal Weekly - Issue No. 589

    अंक: ५८९ | २०७० चैत्र १६

  • Nepal Weekly - Issue No. 588

    अंक: ५८८ | २०७० चैत्र ९

  • Nepal Weekly - Issue No. 587

    अंक: ५८७ | २०७० चैत्र २

यस अंकको स्तम्भहरू

सबै हेर्नुहोस् »

आवरण  [1]

सबै हेर्नुहोस् »

Our Publication
  • ekantipur.com
  • Kantipur
  • The Kathmandu Post
  • Nepal
  • Saptahik
  • Nari
  • Kantipur Qatar