टुटेको मनले पायो साथ
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
लस एन्जल्स (एजेन्सी), आश्विन ९ - नायिका केट होल्म्सका लागि पछिल्ला दिन उतारचढावमा बितिरहेका छन् । नायक पति टप क्रुजसँगको विच्छेदले विक्षिप्त बनिरहेकी केटले नयाँ सम्बन्धको रूपमा पुरानो साथी पाएकी छन् ।
सन् १९९८ देखि पाँच वर्ष चलेको टीभी सिरियल 'डाउसन्स क्रिक' की नायिका केटले त्यसकै को-स्टार जोसुआ ज्याक्सनलाई प्रेमीका रूपमा पाएकी छन् । त्यसो त ज्याक्सन उनका पूर्वप्रेमी पनि हुन् । केटले छोडेर क्रिस हुँदै टमसम्मको सम्बन्धमा दौडिएपछि ज्याक्सनले पनि जर्मन नायिका डायन क्रुगरसँग लामो समय बिताए । यतिबेला पुनः पुरानी प्रेमिका फर्किएर आएपछि भने उनले आफू रोमाञ्चित भएको बताएका छन् । केटले उनलाई डिभोर्स भइसकेपछि साथ दिन आग्रह गरेकी थिइन् ।
'पुरानो साथीजस्तै गरी हाईहेलो भयो । अनि सन्चो/बिसन्चोसँगै के भइरहेको छ भन्नेबारेमा खबर आदानप्रदान भयो,' ज्याक्सनले केटसँगको कुराकानीका बारेमा उल्लेख गर्दै भने, 'त्यो क्षण वास्तवमै क्रेजी थियो । उनले मसँग बच्चा छ भनिन् । मैले पनि डिभोर्सको कुरा सुनेको बताएँ ।' उनले केटसँगको पुनर्मिलनका बारेमा आफूले सधैं सोच्ने गरेको पनि यतिबेला खुलासा गरेका छन् । केटले भने नयाँ सम्बन्धका बारेमा अहिल्यै केही खुलाइसकेकी छैनन् ।
प्रकाशित मिति: २०६९ आश्विन ९ ०९:४८
तपाईंको प्रतिकृया