स्यालले बच्चा मार्यो
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
महोत्तरी, माघ १ - महोत्तरीमा उत्तरवर्ति गाविसमा जंगली जनावरले घरमै पसेर एक बालिकाको आक्रमण गरी मारेको छ । इलाका प्रहरी गौशालाकाअनुसार हिंस्रक जनावरले स्थानीय प्रमोद यादवको दुई वर्षे छोरी रोसनीलाई आक्रमण गरी मारेपछि बस्तीमा शोक र त्रास फैलिएको छ ।
यसअघि बाख्रापाठा लाने गरेका जनावरले केटाकेटीमाथि आक्रमण गर्न थालेकाले थानियबासी त्रसित्र बनेका हुन् ।
प्रहरी निरीक्षक जयनारायण यादवका अनुसार बालिका शुक्रवारदेखि हराएकी थिइन् । बाबुआमा खेतमा काम गर्न गएको बेला जनावर घरमै पसी बालिकालाई लगेका अनुमान गरिएको छ ।
साँझमा घर र्फकदा छोरी नदेखेपछि खोज तलास गरिएको थियो । भोलीपल्ट (आइतबार) बालिका जंगलनजिककको उखु घारीमा मृत भेटीएकी थिइन । उनको शरीरका विभिन्न अंगमा जनावरले खाएको विभत्स शव भेटिएको थियो । लगाएका कपडा र बाँकी रहेका शरीरका अंगबाट बालिकाको सनाखत गरिएको थियो ।
गाउँलेका अनुसार सुनसान मौका पारी बालिकालाई स्यालले नै लगको अनुमान गरेका छन् । यसअघि पनि धेरैपटक स्यालले गाउँका बाख्रापाठा लगेकाले यस्तो शंका गरिएको हो ।
यसबाहेक गाउँमा ज्यान मार्ने अन्य जीवजन्तु देखा नपरेकाले पनि यस्तो अनुमान गरिएको हो । घटनापछि बालबालिका छाडेर निर्धक्क हिँडडुल र खेतालापात गर्न नसकिएको गाउँलेको भनाइ छ ।
प्रकाशित मिति: २०६९ माघ १ ०४:२४
तपाईंको प्रतिकृया