प्रेमका कारण हत्याको शंका
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
गुलरिया , माघ ४ - महम्मदपुर ७ इन्द्रपुरका १८ वषर्ीय गुड्डु गद्दीको छिमेककी एक युवतीसँग प्रेमसम्बन्ध भएकै कारण हत्या भएको शंका प्रहरीले गरेको छ । ती युवतीका मावली पक्षबाट हत्या गरिएको प्रहरीले अनुमान गरेको हो । गुलरिया १० थपुवा गाउँ नजिक रहेको रहर बारीमा सोमबार गुड्डुको शव फेला परेको थियो । उनी दुई दिनदेखि परिवारको सम्पर्कमा थिएनन् । घटनास्थलमा प्रहरीले 'अञ्जली' लेखिएका सातवटा कागजका टुक्रा फेला पारेको छ । अञ्जली कसको नाम हो थाहा हुन नसकेको अनुसन्धानमा खटिएका प्रहरीले जनाए । मुख बाँधेर हत्या गरिएको अवस्थामा शव फेला परेको थियो । पेट र घाँटीका आठ ठाउँमा धारिलो हतियार प्रयोग गरिएकाले घटनामा दुईभन्दा बढी अपराधी हुन सक्ने आशंका गरिएको छ । गुड्डु गुलरियास्थित मोटरसाइकल ग्यारेजमा काम गर्थे । साइकलमा घर फर्किंदा उनलाई केटीका मामाले सँगै लगेको जानकारी पाएकाले अनुसन्धान भइरहेको प्रहरीले जनायो ।
प्रहरीले शव फेला परेको दिन अनुसन्धानका लागि गुड्डुका छिमेकी गुड्डी मल्लाह, उनका बाबु नन्दलाल र आमालाई नियन्त्रणमा लिएको छ । प्रारम्भिक अनुसन्धानमा प्रेमसम्बन्धका कारण घटना भएको हुन सक्ने शंका गरिएको मुद्दा फाँटका प्रहरीले जनाए ।
प्रकाशित मिति: २०६९ माघ ४ ११:०८
तपाईंको प्रतिकृया