सत्तालिप्साका कारण मुलुकले निकास पाएन: नेता ओली
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
विराटनगर, माघ २८ - नेकपा (एमाले)का वरिष्ठ नेता केपी ओलीले प्रधानमन्त्री डा बाबुराम भट्टराईको सत्तालिप्साका कारण मुलुकले निकास नपाएको बताएका छन् ।
उनले आइतवार विराटनगर विमानस्थलमा पत्रकारहरुसँग सङ्क्षिप्त कुराकानी गर्दै शान्ति र सहमतिको बाटोबाट सरकार छाड्न डा बाबुराम भट्टराईलाई बारम्बार आग्रह गरिएपनि सत्ता नछाडेकोले आन्दोलनमा जानुबाहेक अन्य विकल्प नभएको बताए ।
“हामी सदैव वार्ता गर्न तयार छौं, तर माओवादीले धोका दिँदै आएको छ”, उनले भने, “नेपालमा जनताको आन्दोलनबाट शासकहरुको पतन भएको इतिहास छ । राजनीतिक दल र जनताको संयुक्त आन्दोलनबाट बाबुरामको सरकारलाई ढालिने छ ।”
वर्तमान सरकारको नेतृत्व गरेको एमाओवादीले प्रधानन्यायाधीशलाई प्रधानमन्त्री बनाउने भनी अघि सारेको प्रस्ताव आफ्नो पार्टीलाई मान्य नहुने उल्लेख गर्दै उनले प्रधानन्यायाधीशलाई प्रधानमन्त्री बनाउने विषयमा दलहरुबीच कुनै किसिमको छलफल नभएको बताए ।
नेता ओलीले एमाओवादीले द्वन्द्वकालका विचाराधीन मुद्दालाई ओझलमा पार्न न्यायाधीशलाई प्रधानमन्त्री बनाउने चाल चलेको आरोप लगाए ।
–रासस
प्रकाशित मिति: २०६९ माघ २८ ०८:२४
तपाईंको प्रतिकृया