चिकेन सुप

सामग्रीः चिकेन काटेको ३० ग्राम, चिकेन क्युब १ ग्राम, गार्लिक चप १० ग्राम, मख्खन २० ग्राम, मैदा १ चम्चा, कर्नफ्लोर ३ ग्राम, क्रिम १० ग्राम, मख्खन १० ग्राम ।

विधिः मैदा र कर्नफ्लोर खैरो हुने गरी भुटेपछि चिकेन क्युब पनि भुट्ने । हड्डी उमालेको पानीमा भुटेको मैदा गार्लिक चप, चिकेन क्युब तथा काटेको चिकेन हालेर उमाल्ने । माथिबाट क्रिम र बटरले डेकोरेसन गर्ने ।





बोन सुप

सामग्रीः मटन बोन ३ किलो, काटेको प्याज १ पाउ, अदुवा-लसुनको पेस्ट १ सय ग्राम, टोमाटो प्युरी १ किलो, तोरीको तेल ५० ग्राम, कलर खुर्सानी १ चिम्टी, बेसार आधा चम्चा, जिराको धूलो ५० ग्राम, रातो खस्रो खुर्सानी २५ ग्राम

नुन स्वादअनुसार ।

विधिः काटेको प्याजलाई केही समय भुटेपछि अदुवा र लसुनको पेस्ट पनि त्यसैमा हालेर खैरो हुन्जेल भुट्ने । बेसार हालेर टोमाटो प्युरी, खुर्सानी, जिरा र नुन हाल्ने । विस्तारै चलाउँदै पानी हालेर मज्जाले उमाल्ने र आधा घन्टाजति पकाउने । पछि बोन ड्रप गर्ने र पानी थप्दै केही समय पकाउने । सानो आँचमा चार घन्टाजति पकाएपछि बोन सुप तयार हुन्छ ।





भेज सुप

सामग्रीः पनीर तथा मिक्स भेज कटिङ ५० ग्राम

मैदा १ चम्चा, कर्नफ्लोर ३ ग्राम, दूध १५ ग्राम

क्रिम १० ग्राम, मख्खन १० ग्राम, मैदा १ चम्चा

गार्लिक चप १० ग्राम ।

विधिः मैदा तथा कर्नफ्लोर खैरो हुने गरी भुटेपछि पानी र दूध हाल्ने । त्यसपछि पनीर, मिक्स भेज कटिङ हालिदिने । केही समय विस्तारै चलाउने । सुप तयार भएपछि क्रिम र मख्खन हालेर सर्भ गर्ने ।



मसरुम सुप

सामग्रीः मसरुम ३० ग्राम, कर्नफ्लोर ३ ग्राम, दूध १५ ग्राम, क्रिम १० ग्राम, मख्खन १० ग्राम, मैदा १ चम्चा, गार्लिक चप १० ग्राम ।

विधिः मैदा तथा कर्नफ्लोर खैरो हुने गरी भुटेपछि पानी र दूध हाल्ने । त्यसपछि मसरुम हालिदिने । केही समय विस्तारै चलाउने । सुप तयार भएपछि क्रिम र मख्खन हालेर सर्भ गर्ने ।

तपाईंको प्रतिकृया

कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा	[ अर्को क्याप्चा प्राप्त गर्नुहोस् ]