नायिका नभएको भए ?

सम्भवतः गायिका हुन्थें ।

आफू कत्तिको राम्री छु

जस्तो लाग्छ ?

ठिक्कै लाग्छ । राम्री छु जस्तो पटक्कै लाग्दैन ।

अविवाहित हुनुको फाइदा ?

डिमान्ड बढी हुन्छ र मज्जाले समय दिन पाइन्छ ।

पुरुषहरूको मन नपर्ने बानी ?

द्वैध चरित्र देखाउने प्रवृत्ति र नचाहिने कुरामा रिसाउने ।

तीन कुरा जुनबिना

बाँच्न सक्नुहुन्न ?

परिवार, पैसा र प्रेम ।

पैसालाई कसरी परिभाषित गर्नुहुन्छ ?

शक्तिका रूपमा लिन्छु । हिजोआज पैसा नभई केही सम्भव छैन तर पैसा नै

सबैथोक होइन ।

कुन बेला खुसी हुनुहुन्छ ?

जब आफूले सोचेको कुरा पूरा हुन्छ ।

मनपर्ने दुई कलाकार ?

करिष्मा मानन्धर र मौसमी मल्ल ।

कुन नायकसँग काम गर्ने इच्छा छ ?

सलमान खानसँग ।

तपाईंको विचारमा

नारी सौन्दर्य ?

ब्युटी विथ ब्रेन एण्ड गुड हर्ट ।

तपाईंको कमजोरी ?

अरूलाई छिट्टै विश्वास गर्छु ।

भ्रमणमा कत्तिको रुचि छ ?

एकदमै, देश-विदेश घुम्ने रहर छ ।





म्युजिक भिडियोमा जम्दै शिल्पा

विराटनगरबाट ब्याचलर पढ्न आएकी शिल्पा पोखरेललाई घरबेटी बामा अभिनय गरेपछि अभिनयको नशाले छुन थाल्यो । परिणामस्वरूप उनी पढाइ थाती राखेर म्युजिक भिडियो  तथा विज्ञापनहरूमा जम्न थालिन् । उनले छोटो समयमै ५५ वटा म्युजिक भिडियोमा अभिनय गर्न भ्याइसकेकी छिन् । उनी आफूले सेन्टिमेन्टल भूमिका निर्वाह गरेका म्युजिक भिडियो दर्शकहरूले औधी रुचाएको बताउँछिन् । मिलन अमात्यको जसलाई मुटुको अन्त्य ठानेको थिएँ, अञ्जु पन्त र स्वरूपराजले गाएको तिमी कसको हुने होला आदि शिल्पाद्वारा अभिनीत तथा दर्शकहरूद्वारा रुचाइएका म्युजिक भिडियो हुन् । उनलाई भने नवीन भट्टराईले गाएको तिम्रो मायाको नशामा...मा गरेको अभिनय मन पर्छ । भविष्यमा राम्रो चलचित्रमा अभिनय गरी नाम कमाउने रहर साँचेकी शिल्पालाई रेखा थापाको अभिनय रुचाउँछिन् । कलाकार हुन मेकअप तथा हेयर स्टाइलसम्बन्धी ज्ञान आवश्यक छ भन्ने लागेर उनले ब्युटिसियन कोर्स पनि गरेकी छिन् । विदेशमा कोर्स गरेर नेपालमा पार्लर स्थापना गर्ने शिल्पाको चाहना छ ।  





गौरव पहाडी



तपाईंको जीवनमा महत्व राख्ने महिला ?

आमा तथा सानीआमाहरू ।

आइडियल महिला ?

अनुराधा कोइराला ।

मनपर्ने नायिका ?

पि्रयंका चोपडा ।

राम्री नायिका ?

निरुता सिंह ।

कुन नायिकासँग काम गर्ने सपना छ ?

सानैदेखि निरुता सिंहसँग अभिनय गर्ने रहर थियो, हेरौं पूरा हुन्छ कि ?

महिलाहरूको कुन कुराले आकर्षण गर्छ ?

नशालु आँखाले ।

महिलाका गुणहरू के-के हुन् ?

मीठो बोली-बचन र केयरिङ ।

महिलाहरूको कुन कुराले दिक्क बनाउँछ ?

बढी केयर गर्ने र एटिच्युट देखाउने बानीले ।

गर्ल प|mेन्ड छिन् कि ?

अहिले छैन ।

जीवनसाथी कस्तो होस् भन्ने चाहना छ ?

हेर्दा साधारण, लुक्स राम्रो र धेरै नबोल्ने ।







नेपाल भाषाबाट मूलधार चलचित्रमा

सानैदेखि नाच्न भनेपछि हुरुक्कै हुने असिस्मा नकर्मीले सेलिब्रेटी बन्ने सपना टिनएजमै बुनिसकेकी थिइन् । स्कुल नसक्दै एउटा नेवारी म्युजिक भिडियोमा अभिनय गरेकी असिस्माले एसएलसीपछि नेपाली म्युजिक भिडियोमा ब्रेक पाए पनि आपmनो मातृभाषा नेपाल भाषाका म्युजिक भिडियोहरूमा अभिनय गर्न थालिन् । उनले संस्कृति झल्काउने नेपाल भाषाका गीतहरूमा अभिनय गरेकी छिन् । उनी न्याल्ल ब्याँ शीर्षकको चलचित्रमा पनि नायिकाका रूपमा देखा परिसकेकी छिन्  ।  प्लस टु सकेर उच्च अध्ययनका लागि अमेरिका पुगेकी असिस्माले उतै एक्टिङ स्कुल अफ ड्यालसमा अभिनय सिकेकी छिन् । उनी केही महिनाअघि मात्र नेपाल फर्किएकी हुन् । अमेरिकामा हुँदै दुईवटा गीतको म्युजिक भिडियोमा अभिनय गरेकी असिस्माले यहाँ आइपुग्नेबित्तिकै सिक्स फिट लाइन शीर्षकको नेपाली चलचित्रमा अभिनय गरिन् । यही वर्ष प्रदर्शन हुने यो चलचित्रबाट आफ्नो करियरले गति पाउने उनको विश्वास छ ।

तपाईंको प्रतिकृया

कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा	[ अर्को क्याप्चा प्राप्त गर्नुहोस् ]