हामीले आफ्ना घरपालुवालाई परिवारका सदस्यसरह माया एवं हेरचाह गर्छौं । त्यसैले कहिलेकाहीँ जानीनजानी उसलाई दिनै नहुने खानेकुरा पनि दिन्छौं । जुन घरपालुवा -खास गरेर कुकुर) को स्वास्थ्यका लागि घातक हुन सक्छ । माया गरेर आफूले खाइरहेको खानेकुरा घरपालुवालाई दिँदा त्यो उसका लागि  विष समान हुनसक्छ ।

कफी, चिया तथा चकलेटमा कफिन, थियोब्रोमिन हुन्छ जसले झाडा-पखाला तथा बान्ता लगाउँछ र त्यो मुटु एवं मस्तिष्कका लागि घातक हुनसक्छ ।

माछाका काँडा तथा हड्डीः माछाका काँडा तथा हड्डी घाँटीमा अड्किएर कतिपय अवस्थामा घरपालुवाको मृत्यु हुनुका साथै आन्द्रामा घाउ हुनसक्छ ।

माछाः माछाले कुकुरको शरीरमा भिटामिन 'बी' को कमी गराउँछ जसबाट खाना नरुचाउने, काम्ने तथा पछि

मृत्युसम्म हुनसक्छ ।

अंगुरः अंगुरमा एक किसिमको विषाक्त पदार्थ हुन्छ जसले कुकुरको किड्नीलाई

क्षति पुर्‍याउँछ ।

बोेेसोः अत्यधिक मात्रामा बोसो दिनाले प्याननक्रियाटाइटिसको समस्या हुन्छ ।

दूध तथा दुग्धजन्य पदार्थ ः धेरै मात्रामा दुग्धजन्य पदार्थले पखाला लाग्न सक्छ ।

च्याउः कुकुरलाई च्याउले धेरैजसो अङ्गमा हानि पुर्‍याउँछ र मृत्यु पनि हुनसक्छ ।

प्याज र लसुनः प्याजमा सल्फोइडस हुन्छ जसले रगतका कोषहरूमा क्षति पुर्‍याउँछ र रक्तअल्पता हुनसक्छ ।

काँचो अण्डा तथा मासुः काँचो अण्डा तथा मासुले छाला तथा रौंको समस्या निम्त्याउन सक्छ र पखाला पनि लाग्न सक्छ ।

नुनः बढी नुनको प्रयोगले शरीरमा पानीको सन्तुलन बिगार्ने तथा अन्य समस्या देखा पर्न सक्छ ।

गुलियो खानेकुराः गुलियो पदार्थले कुकुरमा मोटोपन, दाँतको समस्या तथा डाइबिटिज गराउन सक्छ ।

मानिसले खाने भिटामिनः मानिसले प्रयोग गर्ने भिटामिनले लिभर, किड्नी तथा पेटलाई क्षति पुर्‍याउन सक्छ ।

बिरालोको तयारी खानाः बिरालोका लागि निर्मित खानेकुराहरूमा प्रशस्त मात्रामा प्रोटिन तथा बोसो हुनाले कुकुरका लागि उपयुक्त हुँदैन ।

रक्सी तथा सुर्तीजन्य पदार्थः यस्ता पदार्थ कुकुरका लागि हानिकारक हुन्छन् ।

तपाईंको प्रतिकृया

कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा	[ अर्को क्याप्चा प्राप्त गर्नुहोस् ]