Kantipur

Kantipur

मिति | २०७१ वैशाख १२, शुक्रबार     Login | Register
देश»

नेविसंघ अधिवेशन बिथोलियो

मन्थली, माघ २८ -
कांग्रेस गुटको खिचातानीले नेविसंघ रामेछापको ११ औं जिल्ला अधिवेशन बिथोलिएको छ । निर्वाचन समितिले आइतबार अपराह्न निर्वाचन स्थगित भएको सूचना टाँस गरेपछि औपचारिक रूपमा अधिवेशन अन्त्यसमेत हुन नपाई बिथोलिएको हो ।

शनिबार उद्घाटन भएको अधिवेशन बन्दसत्र सञ्चालन भइरहेको बेला आयोजक समिति अध्यक्ष ध्रुव चौलागाइर्ं एकाएक गायव भएका थिए । केही विद्यार्थीले उनलाई खोजी गरी अधिवेशनमा ल्याए पनि उनले कार्यक्रम अघि बढाउन नसक्ने जनाएका थिए । युवाको कडा सुरक्षा घेरामा आएका चौलागाइर्ंले हलमा प्रवेश गरी पार्टीले हस्तक्षेप गरेकाले अधिवेशन स्थगित गराएको जनाउ दिई बाहिरिएका थिए ।

निर्वाचन गराउन नसक्ने घोषणा गरी बाहिरिएका चौलागाइर्ं स्वास्थ्यमा समस्या देखिएपछि साँझ तामाकोसी सहकारी अस्पताल उपचारका लागि पुगेका छन् । संघको भावी अध्यक्षका लागि विद्यार्थी नेता रत्नहरि ढुंगेल र सुशील अधिकारी चुनावी प्रतिस्पर्धामा थिए । ढुंगेललाई पूर्व सहायक मन्त्री रामहरि ढुंगेल पक्षको समर्थन थियो भने अधिकारीलाई पार्टी जिल्ला सभापति रामचन्द्र खड्का पक्षधरको समर्थन थियो ।

ढुंगेलले चुनाव जित्ने परिस्थिति अन्त्य भएपछि रामहरि पक्षले षडयन्त्र गरी निर्वाचन बिथोलेको आरोप खड्का पक्षधरको छ । ढुंगेल पक्षले भने विद्यार्थीमाझ लोकपि्रय रत्नहरिलाई हराउन आवश्यक पर्ने प्रतिनिधि चयनमा जिल्ला अध्यक्षलाई दबाब दिन लगाई अधिवेशन बिथोल्न संस्थापन पक्ष लागिपरेको आरोप लगाएको छ । निर्वाचन मण्डलले काम थाल्दासमेत चौलागाईले मनोनयन गर्नुपर्ने र क्याम्पस एकाइका प्रतिनिधिको नाम बुझाएका थिएनन् । केही प्रतिनिधिले भने संघका केन्द्रीय नेता रत्न कार्की र गजेन्द्र कार्की चौलागाइर्ंको मनोनयनमा नपर्ने भएपछि अधिवेशन भाँडिएको दाबी गरेका छन् ।

प्रकाशित मिति: २०६९ माघ २९ ०९:२२

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper Epaper - Kantipur Daily 2014-4-24
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अबिन

काम्रेड नेपाल, नेता नेपाल, पुरानै नेपाल... यतिका शब्द हुँदाहुँदै जान्ने भ’र ह्याँ किन 'नयाँ नेपाल’ राख्नु भा’ ?

विज्ञापन

Travel de society Travel USA Radio Kantipur
  हाम्रा प्रकाशनहरु :
Our Publication