Kantipur

Kantipur

मिति | २०७१ वैशाख १२, शुक्रबार     Login | Register
मुख्य समाचार»

राष्ट्रपति-प्रधानमन्त्री भेट

  • प्रधानमन्त्री प्रधानन्यायाधीशकै पक्षमा
काठमाडौ, माघ २८ -
प्रधानमन्त्री बाबुराम भट्टराईले बहालवाला प्रधानन्यायाधीशको नेतृत्वमा चुनावी सरकार बनाउनु उत्तम हुने बताएका छन् । राष्ट्रपति रामवरण यादवसँग आइतबार भेटेपछि उनले अरू विकल्पमा सहमति नजुटेकाले यो विकल्प उत्तम रहेको बताएका हुन् । 'अहिलेसम्म सबै विकल्पहरू हामीले हेर्‍यौं, दलहरूकै नेतामध्येबाटै राष्ट्रिय सहमतिको सरकार बन्दा राम्रो हुन्थ्यो । तर अहिले कुनै पनि दलले एकले अर्काको नेतृत्व स्विकार्ने अवस्था देखा परेन, दोस्रो हामी स्वतन्त्र व्यक्तिमा जाऔं भन्ने पनि हामीले प्रयत्न गर्‍यौं । स्वतन्त्र व्यक्तिमा पनि सहमति बन्ने अवस्था हामीले देखिरहेका छैनौं । त्यसैले अन्तिम विकल्पको रूपमा संसारभरिकै प्रचलनअनुसार स्वतन्त्र र निष्पक्ष संस्था भनेको न्यायपालिका मानिन्छ,' उनले भेटपछि पत्रकारहरूसँग भने, 'त्यसैले बहालवाला प्रधानन्यायाधीशको नेतृत्वमा चुनावी सरकार बनाएर अगाडि बढ्दा सायद यो सबैलाई मान्य हुन्छ । स्वतन्त्र निष्पक्ष निर्वाचन सुनिश्चित हन्छ । त्यसैले यो विकल्पतिर जानुपर्छ कि भन्ने कुरा उठिरहेको छ । यो विकल्प मलाई पनि व्यक्तिगत रूपमा ठिकै लागेको छ । राजनीतिक दलहरूले जुनमा निर्णय गर्दा पनि सरकार र मलाई व्यक्तिगत रूपमा मान्य हुन्छ । तर स्थिति हेर्दा अब सायद बहालवाला प्रधानन्यायाधीशकै नेतृत्वमा चुनावी सरकार बनाएर निर्वाचनमा जानु नै वढी उपयुक्त हुन्छ ।'

उनले जेठमा निर्वाचन गर्ने गरी सहमतिको सरकार बनाउनुपर्ने धारणा आफूले राखेको बहालवाला न्यायाधीशको नेतृत्वमा सहमति बन्ने सम्भावना देखेको जानकारी गराएको बताए । 'यो सबै निर्णय गर्ने दलहरूले नै हो, अहिले पनि उहाँहरू चाहनुहन्छ भने कुनै दलको नेताको नेतृत्वमा जान मलाई त खुसीकै कुरा हुन्छ । होइन, कुनै स्वतन्त्र व्यक्ति भन्नुहुन्छ, त्यसमा पनि आपत्ति छैन,' उनको भनाइ थियो, 'तर अहिले ९ महिनासम्म प्रयत्न गर्दा सम्भव नभएको अवस्थामा सायद यो बहालवाला प्रधानन्यायाधीशको नेतृत्वमा बन्ने सरकारबारे चाहिं त्यति विवाद नहोला भन्ने मलाई लाग्छ । मैले राष्ट्रपतिज्यूलाई यही जानकारी गराएँ ।'

उनले संगठित अपराध सम्बन्धी विधेयक जारी नगर्दा देश नै कालोसूचीमा पर्ने खतरा रहेको उल्लेख गर्दै जारी गर्नु राम्रो हुने धारणा राष्ट्रपतिसमक्ष राखेको बताए ।

प्रकाशित मिति: २०६९ माघ २९ ०९:०३

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper Epaper - Kantipur Daily 2014-4-24
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अबिन

काम्रेड नेपाल, नेता नेपाल, पुरानै नेपाल... यतिका शब्द हुँदाहुँदै जान्ने भ’र ह्याँ किन 'नयाँ नेपाल’ राख्नु भा’ ?

विज्ञापन

Travel de society Travel USA Radio Kantipur
  हाम्रा प्रकाशनहरु :
Our Publication