Kantipur

Kantipur

मिति | २०७१ वैशाख १२, शुक्रबार     Login | Register
मुख्य समाचार»

डेकेन्द्र हत्या प्रकरण

  • अभियुक्तलाई थप १२ दिन थुना
दैलेख, माघ ४ -
पत्रकार डेकेन्द्रराज थापाको हत्या अभियोगमा पक्राउ परेका ५ अभियुक्तलाई हिरासतमा राखेर थप अनुसन्धान गर्न जिल्ला अदालतले १२ दिनको समय दिएको छ । प्रहरी हिरासतमा राखी अनुसन्धान गर्ने समय माघ ३ गते सकिएपछि अदालतले बिहीबार थप समय दिएको हो । घटनाको थप अनुसन्धान आवश्यक भन्दै अदालतले तेस्रोपटक म्याद थपेको हो । अदालतले यसअघि दुईपटक गरी १२ दिन समय दिएको थियो । हत्याका अभियुक्त रानीवनका जयबहादुर शाही र बालुवाटारका हरिलाल पुनको बयान बिहीबार सकिएको हो । यीसूगै पक्राउ परेका पाूचै अभियुक्तको बयान लिइसकिएको छ । प्रहरी र जिल्ला न्यायाधिवक्ता कार्यालयले सर्वोच्च अदालतको अन्तरिम आदेशको प्रतिलिपि पाएपछि मात्र बिहीबार बयानको प्रमाणीकरण गरेका थिए । हत्या अभियोगमा प्रहरीले अपहरण तथा शरीर बन्धक, यातना र हत्यासम्बन्धी मुद्दाको माग दाबी गर्ने बताएको छ ।

महान्यायाधिवक्ता मुक्ति प्रधानले गत शुक्रबार अनुसन्धान तथा अभियोजन रोक्न मातहतका निकायलाई लिखित उर्दी गरेपछि ५ दिन बयान प्रभावित भएको थियो । अधिवक्ता गोविन्द बन्दीले महान्यायाधिवक्ता प्रधानको लिखित निर्देशन कानुनविपरीत भएकाले खारेजीको माग राख्दै सर्वोच्चमा रिट दायर गरेका थिए । सर्वोच्चले मंगलबार महान्यायाधिवक्ताको निर्देशन कार्यान्वयन नगरी तत्काल अनुसन्धान अघि बढाउन जिल्ला प्रहरी र सरकारी वकिल कार्यालय दैलेखका नाममा अन्तरिम आदेश जारी गरेको थियो । प्रहरीले थपिएको समयमा डेकेन्द्रलाई अपहरण गरी लगेको क्षेत्र नौमूले र घटनास्थल द्वारी गाविसमा पुगी साक्षी प्रमाण जुटाउने तयारी गरेको छ । 'घटनास्थल पुगेर देखि/सुनी जान्ने व्यक्तिहरूसूग सोधपुछ गरी आवश्यक प्रमाणहरू संकलन गर्नेछौं,' अनुसन्धान अधिकृत प्रहरी निरीक्षक विनोद शर्माले भने, 'घटनालाई कानुनी रूप दिन स्थानीयवासीको सहयोगमा शुक्रबार हामी त्यता लाग्छौं ।' जिल्ला प्रहरीले थपिएको समयभित्रै फरार अभियुक्तलाई पक्रिसक्ने दाबीसमेत गरेको छ । 'फरार ४ जनालाई पक्रन माथिल्लो निकायमा लोकेसनसहित पत्राचार गरिसकेका छौं । सम्बन्धित जिल्ला प्रहरीसूग सहयोगका लागि यताबाट पनि समन्वय गरिरहेका छौं,' शर्माले भने । पत्रकार महासंघका शाखा अध्यक्ष पुष्कर थापाले जिल्लाभित्रका अभियुक्त रातारात पक्राउ पर्नु तर जिल्ला बाहिरकालाई अझै पक्राउ नगरिएकोमा आपत्ति जनाए । उनले यसका लागि जिल्लाबाट मात्र नभई प्रहरीका उपल्ला निकायको समेत सक्रियता जरुरी रहेको बताए । राज्यको संरक्षणका कारण डेकेन्द्र हत्या गर्ने माओवादी कार्यकर्तासमेत रहेका ४ अभियुक्तहरू कट्टी गाविसका बमबहादुर खड्का मुक्ति, छिउडीपुसाकोटका बमबहादुर खड्का अरुण, सोही गाविसकै केशव खड्का र द्वारीका भक्तिराम लामिछाने अझै खुलेआम छन् ।

प्रकाशित मिति: २०६९ माघ ५ ०८:३२

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper Epaper - Kantipur Daily 2014-4-24
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अबिन

काम्रेड नेपाल, नेता नेपाल, पुरानै नेपाल... यतिका शब्द हुँदाहुँदै जान्ने भ’र ह्याँ किन 'नयाँ नेपाल’ राख्नु भा’ ?

विज्ञापन

Travel de society Travel USA Radio Kantipur
  हाम्रा प्रकाशनहरु :
Our Publication