Kantipur

Kantipur

मिति | २०७१ वैशाख ५, शुक्रबार     Login | Register
मुख्य समाचार»

लामा पहिल्यै दोषी ठहर

कपिलवस्तु, पुस २० -
 युद्ध अपराधको अभियोगमा बेलायतमा पक्राउ परेका कर्णेल कुमार लामा कपिलवस्तुमा कार्यरत छँदा गैरन्यायिक हिरासतमा चरम यातना दिने कार्यमा संलग्न भएको जिल्ला अदालतले ठहर गरिसकेका व्यक्ति हुन् । माओवादीविरुद्ध परिचालित जिल्लास्थित तत्कालीन संयुक्त सुरक्षा फौजका कमान्डर तथा शिव दल गणका गणपति लामाले शिवपुर-१ का ३८ वषर्ीय जनकबहादुर राउतलाई १७ दिनसम्म गैरकानुनी हिरासतमा राखेर चरम यातना दिएको जिल्ला अदालतले यसअघि नै ठहर गरेको थियो । एडभोकेसी फोरमको सहयोगमा राउतले २०६४ असार १२ मा दायर गरेको क्षतिपूर्ति तथा फौजदारी मुद्दामा लामाले यातना दिएको फैसला तत्कालीन जिल्ला न्यायाधीश शेखरप्रसाद पौडेेलले गरेका थिए । २०६४ माघ १३ मा भएको फैसलामा पीडितलाई नेपाल सरकारले ७५ हजार क्षतिपूर्ति दिनुपर्ने र दोषी देखिएका अधिकृत लामालाई विभागीय कारबाही गर्ने उल्लेख थियो । फैसला भएको करिब ६ वर्ष पुग्न लाग्दा राउतले न क्षतिपूर्ति पाएका छन्, न  लामालाई कारबाही भएको छ । धेरै निवेदन सरकारलाई दिए पनि क्षतिपूर्ति नपाएको गुनासो राउतले गरे । उता जिल्ला अदालतले लामालाई कारबाहीका लागि २०६५ सालमा रक्षा मन्त्रालयमा लेखिपठाएको थियो । तर रक्षाले लामा दुई वर्ष बेलायतमा पढ्न गएको भन्दै उनी फर्किएर आएपछि कारबाही गर्ने भनी जिल्ल्ाा अदालतलाई पत्र पठाएको थियो । त्यसपछि अझैसम्म पनि उनलाई कारबाही नभएको राउतले बताए । राउतले लामाले आफूलाई चरम यातना दिई अंगभंग गराउन खोजेको भन्दै यातना क्षतिपूर्ति ऐन २०५३ अनुसार मुद्दा दायर गरेका थिए । उनले नागरिक तथा राजनीतिक अधिकारसम्बन्धी अनुबन्ध १९६६ को धारा ७ र यातना तथा अमानवीय वा अपमानजनक व्यवहारसम्बन्धी महासन्धि १९८४ को धारा १ पनि आकषिर्त हुने भन्दै मुद्दा दायर गरेका थिए । चन्द्रौटास्थित कुमुदिनी हेल्थ केयर सेन्टरमा व्यवस्थापकको काम गर्दै जीविकोपार्जन गर्दै आएका राउतलाई तत्कालीन संयुक्त सुरक्षा फौजले २०६२ वैशाख २ गते घरबाट बिहानै ५ बजे शौच गर्न खेतमा गएका बेला नियन्त्रणमा लिएको थियो । एक दिन चन्द्रौटास्थित सशस्त्र प्रहरीको बिन्ध्यबासिनी गणमा हिरासतमा राखी उनलाई गोरुसिंगेस्थित शिव दल गण ल्याइएको थियो । दुवै ठाउँमा उनलाई निकै यातना दिएको र करेन्ट लगाएर बेहोस पारिएको उनले बताए । उनले १७ दिन हिरासतमा बस्दाको त्रास अहिले पनि सम्भिmएर तर्सिने, डराउने गरेको बताए । 'यस्तो पीडा दुस्मनले पनि बेहोर्न नपरोस्,' उनले भने । राउतलाई तत्कालीन जिल्ला जनसरकार प्रमुख बाला थापाको साला पर्ने भएकाले पक्राउ गरिएको थियो । अहिले उनी द्वन्द्व पीडितका हक अधिकार वकालत गर्ने न्यायका लागि द्वन्द्व पीडित समाजका अध्यक्ष छन् । लामा कपिलवस्तुमा भएका बेला माओवादीविरुद्ध प्रतिकार समिति सक्रिय थियो । प्रतिकार समितिले दर्जनभन्दा बढी माओवादीलाई कुटेर र जलाएर मारेको थियो । गाउँ-गाउँमा माओवादीका घरमा आगजनी गर्दा ठूलो जनधनको क्षति भएको थियो । समात्न सकिने स्थिति हँुदाहुँदै पनि माओवादी कार्यकर्ता रेगबहादुर थापालाई गोली प्रहार गरी घाइते बनाएपछि हिरासतमा रहेका बेला हत्या गरिएको माओवादी वैद्य समूहका जिल्ला इञ्चार्ज चन्दबहादुर चन्द बताउँछन् ।

प्रकाशित मिति: २०६९ पुस २१ ०८:४९

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper Epaper - Kantipur Daily 2014-4-18
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अविन

एऽऽ इस्थगित भो ?!... कोरम पुग्या जस्तो देखेसि क्यै चंै हुँदैछ भन्ने शंका त ला’थ्यो !

विज्ञापन

New Year Suppliment 2071 Radio Kantipur Rakshya Travel
  हाम्रा प्रकाशनहरु :
Our Publication