Kantipur

Kantipur

मिति | २०७१ वैशाख ६, शनिबार     Login | Register
देश»

खानेपानी आयोजनालाई चन्दा

यासोक -पाँचथर, पुस ११ -
एक गाग्रो पानी लिन रातभर जाग्राम बस्नु यासोकवासीको दैनिकी बनेको छ । यही अप्ठ्यारोलाई सहज बनाउने प्रयासमा लागेका छन् कांग्रेस नेता विश्वप्रकाश शर्मा । झापा स्थायी बासिन्दा शर्मा केही साथीसित मिलेर जिल्लाको दक्षिणी यासोकको खानेपानी समस्या हल गर्न लागिपरेका हुन् । उनीसहित कांग्रेसका स्थानीय कार्यकर्ता दिलबहादुर बुढाथोकी, भूमिराज राई, गणेश बस्नेत, मदन बुढाथोकी र जय श्रेष्ठले खानेपानीमा सघाएका हुन् । उनीहरूले निकालेको १ लाख २० हजार रुपैयाँ कांग्रेस केन्द्रीय सदस्य भीष्मराज आङ्दम्बेले भविष्यमा सञ्चालन गरिने आयोजनाका लागि हस्तान्तरण गरे । पानी अभावमा यासोक १ का खाल्डे, सिम्ले, लम्देखा, ओखलढुंगा, होक्लुम्बा र बुढाथोकी गाउँका १ सय ४४ परिवारले १३ लाखमा आम्बोटे मुहान किनेपछि आयोजना सञ्चालनका लागि उनीहरूले सहयोग गरेका हुन् । गाउँमा भएका खानेपानीका सबै मुहान सुकेपछि अढाई घन्टा टाढाको मुहानबाट ३२ एमएमको पाइपबाट पानी ल्याउन उपभोक्ता जुटेका हुन् । 'राजनीतिलाई विकाससित जोड्न नसक्दा जनताको विश्वास कम हुन सक्छ,' शर्माले कान्तिपुरसित भने, 'स्थानीय विकास, आयोजना निर्माण, आकस्मिक घटना र जनतालाई लाभ पुग्ने विषयमा राजनीतिक कार्यकर्ताले निःस्वार्थ साथ दिन सक्नुपर्छ ।'

सुख्खा क्षेत्र भएकाले दक्षिणी यासोक, स्वाबरुम्बा र रानीगाउँमा पानीका स्रोत घट्दै गएका छन् । यस भेगका बासिन्दाले प्रयोग गर्दै आएका रानीगाउँ ६ को थापाकुवा, उत्तिसे कुवा, यासोक ३ को काफ्लेपानी कुवा पूर्ण रूपले सुकेका छन् । यासोक बजारदेखि ४५ मिनेट टाढाका मल्लिंडे कुवा र प्यान धारामा पनि पानी घटेको छ । स्थानीयले सुख्खा क्षेत्रमा अन्त कतै पानीको स्रोत नभएको बताएका छन् । भएका मुहानमा पनि पानी आउन छोडेपछि त्यस क्षेत्रका हरेक गाविसबाट १५-२० परिवार बर्सेनि सुविधा भएको ठाउँमा बसाइँ जाने गरेको स्थानीय शिक्षक चन्द्र निरौलाले बताए ।

प्रकाशित मिति: २०६९ पुस १२ ०८:३६

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper Epaper - Kantipur Daily 2014-4-19
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अविन

उऽऽ त्यो 'बिजुली छैन’ लेख्या उर्जा मन्त्रालय !... 'पेर्टोल छैन’ लेख्या आपूर्ति ...अनि 'किताप छैन’ चैं शिक्षा !

विज्ञापन

New Year Suppliment 2071 Radio Kantipur Rakshya Travel
  हाम्रा प्रकाशनहरु :
Our Publication