Kantipur

Kantipur

मिति | २०७१ वैशाख ५, शुक्रबार     Login | Register
समाचार»

आयोग निर्वाचनको तयारी गर्दै

काठमाडौ, पुस ११ -
निर्वाचन आयोगले निर्वाचन आचारसंहिता संशोधन प्रक्रिया अघि बढाएको छ । प्रत्येक निर्वाचनअघि नयाँ आचारसंहिता निर्माण गर्ने क्रममा आयोगले राजनीतिक दलहरूलाई बोलाएर छलफल थालेको हो । 'निर्वाचन आचारसंहिता २०६९' को मस्यौदामाथि अन्तक्रिर्या थालेको आयोगले जनाएको छ । आयोगले 'राजनीतिक दलसम्बन्धी अध्यादेशको मस्यौदा २०६९' समेत तयार गरेको छ । राजनीतिक दलसम्बन्धी ऐनहरूलाई एकीकृत गर्ने र दलका आर्थिक स्रोत व्यवस्थापन पारदर्शी बनाउनेबारे मस्यौदामा प्रस्ताव गरिएको छ । सरकारले वैशाखमा संविधानसभाको अर्को निर्वाचन गर्ने प्रस्ताव अघि सारेपछि आयोगले दलहरूसित परामर्श थालेको हो । 'दलसम्बन्धी कानुनको अन्तर्राष्ट्रिय अभ्यास तथा विज्ञका राय, सुझावका आधारमा अध्यादेश मस्यौदा बनाएको छ,' समावेशी प्रक्रियालाई जोड दिएको उल्लेख गर्दै आयोगका प्रवक्ता अनिलकुमार ठाकुरले भने, 'दल दर्ता गर्न दस हजारको हस्ताक्षर आवश्यक पथ्र्याे भने अब पाँच सयको मात्र भए पुग्ने प्रस्ताव गरिएको छ । यसबारे दलहरूसित सुझाव लिने काम भइरहेको छ ।' आयोगमा १ सय १४ दल दर्ता छन् । ती दलका प्रतिनिधिसित राजनीतिक दलसम्बन्धी अध्यादेश र आचारसंहिताबारे राय, परामर्श र सुझाव लिएको जनाएको छ । आयोगले सत्तारूढ दलका निम्ति फरक निर्वाचन आचारसंहिता हुने जनाएको छ । राज्यको स्रोत, साधन, पहुँचको दुरुपयोग हुन नदिन यसो गरिएको प्रवक्ताले जनाएका छन् ।

प्रकाशित मिति: २०६९ पुस १२ ०८:१५

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper Epaper - Kantipur Daily 2014-4-18
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अविन

उऽऽ त्यो 'बिजुली छैन’ लेख्या उर्जा मन्त्रालय !... 'पेर्टोल छैन’ लेख्या आपूर्ति ...अनि 'किताप छैन’ चैं शिक्षा !

विज्ञापन

New Year Suppliment 2071 Radio Kantipur Rakshya Travel
  हाम्रा प्रकाशनहरु :
Our Publication