Kantipur

Kantipur

मिति | २०७१ वैशाख १२, शुक्रबार     Login | Register
अर्थ/वाणिज्य»

गुणस्तरको समस्या पानी र दूधमा बढी

काठमाडौ, पुस ४ -
तपाईले दैनिक सोझै उपभोग गर्ने जार/बोतलको खानेपानी र दूध कत्तिको गुणस्तरीय छ ? ध्यान दिनुभएको छ ? छैन भने अबदेखि गुणस्तरीयताको विषयमा सोधखोज गरेर मात्र प्रयोग गर्नुहोला । किनकि गुणस्तरीयताको समस्या अन्य दैनिक उपभोग्य सामग्रीमा भन्दा बढी खानेपानी र दुग्धजन्य पदार्थमा देखिएको छ ।

खाद्य प्रविधि तथा गुण नियन्त्रण विभागले चालू आर्थिक वर्षमा हेरिरहेका १ सय ५८ मध्ये एकतिहाइ मुद्दा बोतल/जारको खानेपानी र दुग्ध उद्योगको छ । विभागका प्रवक्ता प्रमोद कोइरालाका अनुसार एक सय वटा पानी र दूधका मुद्दा विभागले हेरिरहेको छ । उनीहरूको बयान र अनुसन्धान सकेपछि काठमाडौं जिल्ला प्रशासनमा मुद्दा पेस गर्ने कोइरालाले बताए । '५२ वटा खानेपानी र दूधका ४८ वटा मुद्दा हुन्,' कोइरालाले भने, 'अन्य उपभोग्य सामग्रीमा भन्दा बढी समस्या दूध र पानीमा देखिएको हो ।' सबै मुद्दा विभागले निरीक्षण गर्दा भेटिएका मात्र हुन् । उपभोक्ताले गुणस्तरको विषयमा उजुरी गरेको मुद्दा विभागमा छैन ।

कोइरालाका अनुसार खानेपानीमा लेउ लागेको, आवश्यकताअनुसार फिल्टर नगरेको, सूक्ष्म जीवाणु देखिएको, बोतल र जार सफा नगरेकोलगायत समस्या देखिएको छ । 'दूधमा पनि सोही प्रकृतिको समस्या हो,' कोइरालाले भने, 'गुणस्तरहीन हुनुको पछाडि निरन्तर परीक्षणको अभाव हो ।' खानेपानी र दूधमा गुणस्तरको समस्या बर्सेनि बढ्दो छ । उपत्यकामा १ सय ८० पानी उद्योग दर्ता छन् । बिनादर्ता सञ्चालनमा आएका खानेपानी उद्योगको संख्या ३ सयभन्दा बढी रहेको स्रोतको भनाइ छ । दुग्ध उद्योग र उत्पादनको तथ्यांक विभागसँग छैन ।

गुणस्तरको विषयमा समस्या देखिएका उद्योगलाई खाद्य प्रविधि तथा गुणस्तर विभागमार्फत सरकारी वकिल हुँदै जिल्ला प्रशासन कार्यालयमा मुद्दा चल्छ । 'कारबाही गर्ने विभाग, सरकारी वकिलको कार्यालय र जिल्ला प्रशासनको फितलो व्यवस्थाका कारण पानी र दूध उद्योगले गुणस्तरको विषयमा हेलचेक््रयाइँ गर्ने गरेका हुन्,' विभागका एक कर्मचारीले भने, 'विभागले मुद्दा दायर गरे पनि सरकारी वकिलको कार्यालय र प्रशासन कार्यालयमा मुद्दा फितालो बनाइदिन्छन् ।'

 

प्रकाशित मिति: २०६९ पुस ५ ०९:२०

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper Epaper - Kantipur Daily 2014-4-25
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अबिन

उइलेको दिवसाँ 'संविधान छिट्टै दिन्छु’ भन्याथेँ अइले नि त्यै भन्छु !... किनभने म अरुजस्तो कुरा फेरी हिँड्ने नेता हैन !

विज्ञापन

Travel de society Travel USA Radio Kantipur
  हाम्रा प्रकाशनहरु :
Our Publication