Kantipur

Kantipur

मिति | २०७१ वैशाख १०, बुधवार     Login | Register
देश»

मृगौलाको डाइलासिस बन्द

विराटनगर , पुस ४ -
कोसी अञ्चल अस्पतालमा सञ्चालित हिमो डायलासिस मेसिन प्राविधिकको अभावमा सञ्चालन बन्द भएको छ । यो मेसिन एक वर्षअघि जडान गरिएको थियो । अन्य अस्पतालको तुलनामा अञ्चल अस्पतालले थोरै रकममा गरिब र असहाय बिरामीको डायलासिस गर्दै आएको थियो । सेवा बन्द भएपछि निजी अस्पतालमा मृगौला रोगी महँगो शुल्क तिरेर डायलासिस गराउन बाध्य भएका छन् । पूर्वाञ्चलमा सरकारी अस्पतालमा पहिलोपटक कोसी अञ्चलमा हिमो डायलासिस सेवा सञ्चालनमा थियो ।  

प्राविधिक अभावले अस्पतालका उक्त सेवा बन्द भएको अस्पतालले जनाएको छ । चिकित्सक छन् तर दुई जना स्टाफ नर्स र दुई जना सफाइ कर्मचारी नभएका कारण सेवा सञ्चालन हुन नसकेको मेडिकल सुपरिटेन्डेन्ट एसएन झाले बताए ।

निजी अस्पतालमा एकपटक डायलासिस गराएको करिब चार हजार तिर्नुपरे पनि कोसी अञ्चलले औषधिबाहेक पाँच सय रुपैयाँमा गर्दै आएको थियो । जसले कम आय भएका बिरामीलाई राहत पुगेको अस्पतालका कर्मचारीले बताए ।

सेवा बन्द भएपछि हिमो डाइलसिस सेवा लिन आउने सेवाग्राही निराश बनेर र्फकने गरेका छन् । तत्कालीन मेसु उमाकान्त झाले दुई वर्षअघि अस्पतालमा डाइलासिस सेवा सञ्चालन गर्न ५१ लाख रुपैयाँ लागत पर्ने मेसिन विभागमार्फत ल्याएर जडान गरेका थिए ।

 

प्रकाशित मिति: २०६९ पुस ५ ०९:०९

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper paper - Kantipur Daily 2014-4-23
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अबिन

धन्न आपूर्ति सहज भ' र'छ !... दिनभरि लाइन बसेर अलिकति भे नि पाइयो !

विज्ञापन

Radio Kantipur Rakshya Travel
  हाम्रा प्रकाशनहरु :
Our Publication