Kantipur

Kantipur

मिति | २०७१ वैशाख ११, बिहीवार     Login | Register
कला र शैली»

शल्यक्रिया सफल

न्युयोर्क, मंसिर २६ -
अभिनेत्री मनीषा कोइरालाको पाठेघरको शल्यक्रिया भर्खरै सम्पन्न भएको छ । स्थानीय समय मुताविक सोमबार राति साढे ११ बजे अर्थात् नेपाली समय मंगलबार बिहान सवा १० बजे शल्यक्रिया पूरा भएको थियो । म्यानहाटन स्थित मेमोरियल स्लोन केटरिङ क्यान्सर सेन्टरमा ४२ वषर्ीया कोइरालाको शल्यक्रिया चिकित्सक डेनिस चीले गरेका थिए । शल्यक्रिया साढे ६ घन्टाभन्दा बढी चलेको थियो । ची, न्युयोर्ककै नामी  'ओभोरियन क्यान्सर' रोग विशेषज्ञ हुन् । झन्डै एक सय ३० वर्ष पहिले स्थापना भएको मेमोरियल स्लोन केटरिङ क्यान्सर सेन्टर, विश्वमै प्रसिद्वि कमाएको क्यान्सर अस्पताल हो । शल्यक्रिया सम्पन्न भए पनि परिवारका सदस्यहरूलाई मनीषासँग तत्काल भेट्न भने दिइएको छैन । केही साता मनीषा अस्पतालमै रहनेछिन् । समाचार स्रोतका अनुसार चिकित्सक चीले परिवारका सदस्यहरूसँग शल्यक्रियापूर्वको कुराकानीमा आफू अप्रेसन कक्षबाट दुई घन्टाभित्रमै बाहिर आए, बिरामीको अवस्था नराम्रो रहेको अनुमान गर्नु । यदि ६/७ घन्टा लगाएर फर्किएँ भने अप्रेसन राम्रो भयो भनेर सोच्नु' भनेका थिए ।

शल्यक्रिया लामो हुनुको अर्थ यो स्टेजको बिरामीको सबै समस्याको निदान सकेर आफू फर्किएको ठान्नु भन्दै चिकित्सक ची अप्रेसन कक्षभित्र गएका थिए । निर्धारित तालिका अनुसार सोमबार मध्याह्न १२ बजे गर्ने भनिएको मनीषाको शल्यक्रिया झन्डै पाँच घन्टापछि सुरु भएको थियो । मनीषाभन्दा पहिले पालो रहेको बिरामीको शल्यक्रियामा केही ढिलाइ भएपछि उनलाई साँझ ५ बजे अप्रेसन कक्षभित्र लगिएको थियो । क्यान्सर सेन्टरमा सोमबार बिहानैदेखि रहेकी मृदला कोइरालाले ई-कान्तिपुरलाई दिएको जानकारी अनुसार अप्रेसन कक्षभित्र जाने क्रममा मनीषाले आपmनो चिन्ता नगर्न अनुरोध गरेकी थिइन् । हात हल्लाउँदै मनीषाले भनेकी थिइन्, 'आई विल बी ब्याक सुन । डोन्ट वरी ।' क्यान्सर सेन्टरको शल्यक्रिया कक्ष बाहिरको प्रतीक्षालयमा रहेका मनीषाका बाबु, आमा र भाइका अतिरिक्त उनी फुपू चेतना दीक्षित केही चिन्तित देखिए पनि मनीषाले स्थितिलाई सामान्य लिएको र आफू चाँडै स्वस्थ हुने बताएकी परिवारिक सदस्य रहेकी मृदुलाले बताइन् । १३ दिनअघि मुम्बईमा अकस्मात् बेहोस भएपछि स्थानीय जसलोक अस्पतालले उनीलाई पाठेघरको क्यान्सर भएको जनाएको थियो । त्यसपछि उनलाई न्युयोर्क ल्याइएको थियो ।

प्रकाशित मिति: २०६९ मंसिर २७ ०८:५९

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper Epaper - Kantipur Daily 2014-4-24
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अबिन

काम्रेड नेपाल, नेता नेपाल, पुरानै नेपाल... यतिका शब्द हुँदाहुँदै जान्ने भ’र ह्याँ किन 'नयाँ नेपाल’ राख्नु भा’ ?

विज्ञापन

Radio Kantipur Rakshya Travel
  हाम्रा प्रकाशनहरु :
Our Publication