Kantipur

Kantipur

मिति | २०७१ वैशाख ८, सोमबार     Login | Register
देश»

केयू उपकुलपति प्रकरण

  • नियुक्ति प्रक्रियाको विरोध
काभ्रे, मंसिर २६ -
काठमाडौं विश्वविद्यालय प्राध्यापक संघले उपकुलपति सिफारिस प्रतिस्पर्धात्मक विधिबाट नभएको भन्दै स्वीकार नगर्ने जनाएको छ । उपकुलपतिमा एक व्यक्तिमात्र सिफारिस गरेकामा आपत्ति जनाउँदै यसलाई संघले अस्वीकार गर्ने जनाएको हो । संघले यसअघि पनि उपकुलपति छनोट समितिमा बसेका सदस्यहरू पुनः दोहोरिएको भन्दै यसले निष्पक्ष काम गर्न नसक्ने दाबी गर्दै तत्काल भंग गर्न माग गरेको थियो । 'अहिलेको प्रक्रियाबाट नियुक्त उपकुलपति मान्दैनौं,' संघका अध्यक्ष विभूतिरञ्जन झाले भने, 'व्यक्तिभन्दा विधि महत्त्वपूर्ण हो । उपकुलपति प्रतिस्र्धात्मक रूपमा नियुक्त गरिनुपर्ने उनले बताए । एक व्यक्तिलाई मात्रै उपकुलपतिमा सिफारिस गरिनु लोकतान्त्रिक विधि र पद्धतिविपरीत भएको उनको आरोप छ । 'कम्तीमा ३ जनालाई सिफारिस गर्नुपर्दथ्यो,' उनले भने, 'त्यसबाट मात्रै प्रतिस्पर्धा हुन्छ ।' छनोट समितिले एमाओवादी लबिङमा धुलिखेल अस्पतालका निर्देशक डा. रामकण्ठ माकाजु श्रेष्ठलाई उपकुलपतिमा सिफारिस गरेको छ । केयूका उपकुलपति डा. सुरेशराज शर्माले राजीनामा दिएपछि नयाँ उपकुलपति सिफारिस गर्न शिक्षामन्त्री दीनानाथ शर्मा संयोजकत्वमा पूर्वसभामुख दमननाथ ढुंगाना र डा. लोकविक्रम थापा सदस्य रहेको समिति गठन गरिएको थियो । छनोट समिति गठन गरिएलगत्तै दुई सदस्यप्रति आपत्ति जनाउँदै प्राध्यापक संघले खारेजी माग गरेको थियो । ढंुगाना तेस्रो र थापा दोस्रोपटक छनोट समितिमा बसी षड्यन्त्र गरी डा. सुरेशराज शर्मालाई नियुक्त गरेको आरोप संघको छ । एमाओवादी पार्टीको चर्को दबाबपछि स्थापनाको एक्काइस वर्षपछि शर्माले कात्तिक २४ गते राजीनामा दिएका थिए । चिकित्साशास्त्रतर्फको अठारौं दीक्षान्त समारोह हुनुअघि बसेको सिनेट बैठकमै केयूका कुलपतिसमेत रहेका प्रधानमन्त्री बाबुराम भट्टराईले शर्माको राजीनामा मागेका थिए ।



 

प्रकाशित मिति: २०६९ मंसिर २७ ०८:४८

तपाईंको प्रतिकृया


कृपया, * चिन्ह भएको विवरण अनिवार्य रूपमा भर्नुहोला ।
* पूरा नाम
* ठेगाना
* ईमेल ठेगाना
* प्रतिकृया
* क्याप्चा [ यदि क्याप्चा प्रष्ट नभएमा त्यसमा एकचोटि क्लिक गर्नुहोस् ]
नोट: Comments containing abusive words or slander shall not be published.

Today's Paper Epaper - Kantipur Daily 2014-4-20
The Kantipur in Print

FROM THE PAST 7 DAYS

ENTER KEYWORD OR DATE


e.g. 2001-04-01 (yyyy-mm-dd)


अविन

उऽऽ त्यो 'बिजुली छैन’ लेख्या उर्जा मन्त्रालय !... 'पेर्टोल छैन’ लेख्या आपूर्ति ...अनि 'किताप छैन’ चैं शिक्षा !

विज्ञापन

New Year Suppliment 2071 Radio Kantipur Rakshya Travel
  हाम्रा प्रकाशनहरु :
Our Publication