फूलले चिटिक्क सडक [तस्बिरहरु]

रुपन्देहीको तिलोत्तमा नगरपालिकाअन्तर्गत बुटवल–बेलहिया व्यापारिकमार्ग यतिबेला मनमोहक छ । उक्त मार्गको मणिग्राम योगीकुटीको बीच सडकमा फुलेका फूलले उक्त सडकमा यात्रामा निस्कने सबैलाई मन आनन्दित बनाएको छ । पालिकाको १३ किलोमिटर सडक खण्डमा २ हजार ५ सय बढी फूल रोपिएको हरियाली प्रवर्द्धन अधिकृत गोरखनाथ खनालले बताए । ती फूलमध्ये बेगमबेली र अन्य विभिन्न रङमा फूल फुलेपछि दृश्य हेर्नलायक बनेको हो ।