लागूऔषधसहित एक जना पक्राउ
परासी — पश्चिम नवलपरासीको रामग्रामबाट लागूऔषधसहित एक जना पक्राउ परेका छन् । जिल्ला प्रहरी कार्यालयबाट खटिएको टोलीले महेशपुरबाट परासीतर्फ आउँदै गरेको भारतीय नम्बरको युपि ५६ ई २८७६ नम्बरको मोटरसाइकलमा सवार रामग्राम ७ उजैनी बस्ने वर्ष ५३ को निर्मल नेटुवालाई पक्राउ गरेको हो ।
उनको साथबाट लागूऔषध डाईजेपाम ४६ एम्पुल, फेनारगन ४८ एम्पुल र नुफिन ४९ एम्पुल बरामद गरेको जिल्ला प्रहरी कार्यालयका डीएसपी रेशम बोहोराले जानकारी दिए ।
रुमालले कम्मरमा बाधेर ल्याउँदै गर्दा प्रहरीले उक्त लागू्औषध बरामद गरेको हो । पक्राउ परेका नेटुवालाई औषधसम्बन्धी कसुरमा जिल्ला अदालत परासीबाट म्याद थपेर थप अनुसन्धान भइरहेको छ ।
प्रतिक्रिया