'रित्तो गाउँ'मा विदेशिएका युवाको चित्रण

'रित्तो गाउँ' शीर्षकको डकुमेन्ट्री सर्ट फिल्म हेर्न नेपाली कांग्रेसका सांसद प्रदीप पौडेलसहित व्यवसायी, विभिन्न संघसंस्थाका पदाधिकारी, सञ्चारकर्मी र फिल्मकर्मी उपस्थित थिए ।

रामजी ज्ञवालीको लेखन एवं निर्देशनमा तयार यो डकुमेन्ट्रीमा विदेशिदै गएको युवाका कारण रित्तो बन्दै गएको गाउँको कथा भन्छ । 'रित्तो गाउँमा'मा हिउँवाला गौतम, सुवास गजुरेल, मुकुन भुसाल र सविना राउतको अभिनय छ ।

डकुमेन्ट्रीको पहिलो भागतिर अनुसन्धानमा आधारित तथ्यांकसहित देशभरको अवस्था चित्रण गर्ने प्रयास भएको छ । दोस्रो भागमा भने पहिलो भागबाट लिइएका विभिन्न कथामा काल्पनिक सर्ट फिल्म तयार पारिएको छ ।

आनन्दराज प्रोडक्सनको ब्यानरमा राम्रो इन्टरटेनमेन्टले निर्माण गरेको यस डकुमेन्ट्री सर्ट फिल्ममा निरज कँडेलको छायांकन, नहकुल खड्काको सम्पादन, राजेन्द्र मोक्तानको रंग संयोजन छ ।